各位聽眾，你上愛食啥物？今仔日「佇厝講台語」的主題是「學校的菜單有學問」。
嘉芬校長佮淑惠老師邀請臺北市南港國小一年仔的陳晁廷小朋友，做伙來開講，分享學校的菜單佮伊佇學校食營養午餐的趣味代。希望會當徛踮小朋友的角度，做伙來討論「營養午餐的菜色」、「學生囡仔對營養午餐的看法」、閣有「對菜單的期望」。
來賓晁廷小朋友佇節目中分享當工佇學校食的中晝頓，伊講著有咖哩和雞腿，果子是蘋果。阮用輕鬆閣活潑的方式，予聽眾朋友了解一寡仔和學校營養午餐相關的資訊。
節目的尾聲嘛有鼓勵聽眾「佇厝講台語」，佮厝內的人分享今仔日佇學校食啥物，毋若會當學台語嘛會使增加和厝內的人的互動喔！
