各位聽眾朋友，啥物當時行？今仔日「佇厝講台語」 的主題是「AI當時行」。
嘉芬校長佮淑惠老師邀請臺北市南港國小四年仔的林宥穠小朋友，做伙來開講，分享佇學校欲按怎運用AI人工智能來幫助學習。希望會當徛踮小朋友的角度，做伙來討論「AI的使用經驗」、「AI輔助學習的方式」、閣有「使用AI時愛注意的代誌」…等等。
來賓宥穠小朋友佇節目中分享伊佇學校內底使用AI的經驗，講著老師有教使用臺北的酷AI，閣有因材網的e度，嘛用過padlet畫圖。宥穠嘛有分享著學校老師會教用AI來製作課文的心智圖，雖然AI真厲害，毋過咱愛有家己的想法，毋通綴AI戇戇踅。
節目的尾聲嘛有鼓勵聽眾「佇厝講台語」，和厝內的人分享「學校使用AI的趣味代」。
