各位聽眾，你按怎來學校？佇路裡愛注意啥物？今仔日「佇厝講台語」的主題是「上課的交通安全」。
嘉芬校長佮淑惠老師邀請臺北市南港國小一年仔的林炘樺小朋友，做伙來開講，分享上學路裡有可能會發生的交通安全問題。希望會當徛踮小朋友的角度，做伙來討論「按怎來學校」、「坐車的安全」、「落車的安全」閣有「行路的安全」…等等。
來賓炘樺小朋友佇節目中分享著坐車的時愛會記得縖安全帶，騎機車愛戴安全帽仔，過車路進前嘛愛注意看青紅燈，毋通凊彩烏白傱。
節目的尾聲嘛有鼓勵聽眾「佇厝講台語」，和厝內的人分享上下課去學校的交通安全智識，毋若會當學台語嘛會使保護咱的安全！
