各位聽眾朋友，你假日的時陣攏去佗位𨑨迌咧？今仔日「佇厝講台語」的主題是「假日按怎安排」。
嘉芬校長佮淑惠老師邀請臺北市南港國小四年仔的劉宸睿小朋友，做伙來開講，分享伊假日攏去佗位耍。節目的重點是咧討論「上愛去的所在」、「臺北市的景點」、閣有「歇睏日的規劃」。
來賓宸睿小朋友佇節目中分享伊上愛去大安森林公園耍，遐毋若足大的，閣會當看花、放風吹、嘛會使騎鐵馬，遐有繡球花、斑芝花等等的花蕊，有影足媠的。除了大安森林公園，節目中嘛有講著其他臺北𨑨迌的好所在，鼓勵聽眾佇歇睏日會當較捷去大自然行踏。
節目的尾聲嘛有鼓勵聽眾「佇厝講台語」，和厝內的人好好仔討論歇睏日的規劃，毋若會當學台語嘛會使安排假日的生活喔！
