各位聽眾朋友，今仔日「佇厝講台語」咱欲來講的主題是：校園內底鬧熱滾滾，囡仔人上愛的一个活動——運動會。嘉芬校長和淑惠老師邀請著臺北市建安國小六年仔的黃若彤小朋友做伙來開講，和逐家分享一下仔伊的想法。
暐倫同學講伊真佮意運動會而且伊上佮意的運動會項目是「接力走標」。每一个同學攏真骨力走，其他的同學嘛互相加油，彼種熱鬧的氣氛予伊感覺真歡喜。毋過伊嘛有分享著來賓講話講足久，予逐家佇日頭跤徛甲跤酸手軟，強欲昏去的趣味代。
節目中嘛有教咱一寡仔和運動會相關的語詞，譬論講：「跳舞」、「做健身操」、「走標」、「接力走標」等等等。
節目的尾聲嘛有鼓勵聽眾「佇厝講台語」，和厝內的人分享運動會這个學校的心適代！毋若會當學台語嘛會使予厝內的人做伙感受著校園生活的趣味！
