各位聽眾朋友，今仔日「佇厝講台語」咱欲來講的主題是：「我愛食的食物」。
節目一開始，嘉芬校長和淑惠老師分享著家己上愛食的物件，嘉芬校長上愛燒燙燙的火鍋，淑惠老師上愛食麵毋管是湯麵、焦麵抑是炒麵，伊攏愛食。為著欲了解囡仔愛食啥物，邀請著建安國小六年級的黃暐倫同學來到現場。
黃暐倫同學講著伊毋但愛食披薩、糋雞肉閣有牛排。而且伊特別佮意臭豆腐這項臺灣特殊的點心。節目中嘛有討論著無仝的年歲對食物的偏愛嘛會無啥仝，鼓勵逐家會使關心厝內的人愛食啥物，按呢會當增加逐家情感的交流。
節目的尾聲嘛有鼓勵聽眾「佇厝講台語」，佮厝內的人分享「上愛食的物件」，按呢毋若會當增加學台語的機會嘛會使增加和厝內的人的互動喔！
