各位聽眾朋友，啥物當時行？今仔日「佇厝講台語」 的主題是「預防詐騙真重要」。
嘉芬校長佮淑惠老師邀請臺北市建安國小六年仔的林予翔小朋友，做伙來開講，分享欲按怎預防詐騙。希望會當徛踮小朋友的角度，做伙來討論「目前詐騙的情形」、「預防詐騙的方式」、閣有「預防詐騙意識的重要性」…等等。來賓品元小朋友佇節目中提醒逐家莫凊彩相信網路頂懸的消息，嘛莫在佇網路頂烏白交朋友。
節目中另外有教咱一寡仔俗諺，其中有「錢大百，人落肉」用來講「無白白的好空」，閣有「痟貪軁雞籠」，用來講，免艱苦就有好空的代誌大部分攏是騙人的。
節目的尾聲，嘛有鼓勵聽眾「佇厝講台語」，佮厝內的人分享「按怎預防詐騙」，嘛會使佮分享今仔日學著的智識。
