各位聽眾朋友，你敢有出國過？你想欲去佗一个國家咧？今仔日「佇厝講台語」的主題是「出國去𨑨迌」。嘉芬校長佮淑惠老師邀請著臺北市建安國小六年仔的葉華臻小朋友做伙來開講。
節目一開始，嘉芬校長講著，受到疫情的影響，逐家已有三冬無法度出國矣，華臻小朋友佇節目佮逐家分享伊去過的國家佮心內想欲去的所在，伊講捌去過日本的Okinawa。而且嘛紹介遐的遊樂園佮重起的首里城予聽眾知，另外閣講著未來想欲去澳洲抑是紐西蘭，因為遮的國家佇咧南半球，伊真好玄熱人的聖誕節會生做啥物款。
節目的尾聲嘛有鼓勵聽眾「佇厝講台語」，佮厝內的人分享「出國去𨑨迌」，按呢毋若會當增加學台語的機會嘛會使增加和厝內的人的互動喔！
