各位聽眾朋友，今仔日「佇厝講台語」咱欲來講的主題是：「踅夜市真趣味」。
節目一開始，嘉芬校長和淑惠老師分享著臺灣的夜市，是轟動全世界，名聲迵國際的好耍閣好食的好所在，佇節目中邀請著建安國小六年級的黃暐倫同學來到現場共逐家紹介「通化街夜市仔」有啥物特色。另外伊閣有分享著伊愛食有塗豆麩、芫荽的豬血粿、加足濟料的礤冰，嘛愛食蚵仔煎。夜市仔有食閣有耍，擉珠仔、射雞胿仔、撈魚仔攏真趣味！
節目的尾聲嘛有鼓勵聽眾「佇厝講台語」，和厝內的人好好仔規劃做伙來去踅夜市，食好料閣培養感情，毋若會當學台語嘛會使好仔去行行的喔！
