國立教育廣播電臺

《暢樂客語屋，WOW！》本集係「壓力來時𠊎毋驚」主題，渡學生熟識摎學習仰般面對摎調適壓力。節目開始利用街頭訪問學生面對壓力个方式，有人去運動、有人係用睡目來減少壓力，逐儕處理壓力个方法無共樣。主持人乜分享自家心情毋好个時，成時會吃一兜甜甜个雞卵糕來放冗自家个情緒。
節目邀請光復國小个育璿摎佢个阿姆立琪共下參與，育璿講到自家會因為作業、考試還係比賽感覺到壓力，立琪媽媽就會聊佢做伴，打嘴鼓，分佢講出來，再過渡育璿用運動摎敨大氣來放鬆。成時會陪佢去公園散步、聽音樂抑係畫圖，幫助育璿做情緒轉化。
節目最後總結五種實用个壓力調適方法：做運動、培養興趣、敨下大氣、摎人打嘴鼓還有良好个作息，提醒學生若係堵到困難莫自家煩惱，做得尋先生還係屋下人𢯭手。有正向个心理康健觀念，做得幫助學生從細建立好个情緒管理能力。