國立教育廣播電臺

《暢樂客語屋，WOW！》本集討論「快樂分你康健食百二」，主持人共下分享生活中「小確幸」个時節。敏莉中意朝晨頭恬靜个時間，瑜琦係會議提前結束後，伸个自家个時間。節目也邀請光復國小育璿摎佢个阿姆立琪，共下分享細人仔个快樂時間。
育璿分享，二年生个時有一擺飯包盒仔無弇好，飯菜全部撒到桌仔頂，本來心茫茫，煞分同學一句「恁樣較像藝術！」个話改變心情。另一回，佢要跍下去拈鉛筆个時，同學乜想𢯭手拈，結果兩儕嗄額頭相堵頭，黏時痛得大笑，這小意外乜變作快樂个回憶。
立琪表示，生活中當多快樂其實就係在生活裡背細細个地方。育璿乜認同，摎好朋友共下分享快樂，日常生活个壓力就會少加當多較輕鬆。
快樂其實當簡單，學習去發現生活裡背該美好个一𥍉目時間。學習保持快樂正做得康健食百二。