本集《暢樂客語屋，WOW！》以「有做無做，尞到天穿過」做主題，紹介客家重要傳統節日——天穿日。主持人瑜琦摎敏莉邀請光復國小六年生个學生仔育璿摎厥姆立琪媽媽分享屋下過節經驗。
節目一開始，透過神話故事回顧天穿日由來：水神共工摎火神祝融相打，嗄摎天撞爛一隻大空，女媧用五色石補天，百姓感念厥恩德，將這日定做天穿日。這隻節日象徵安定摎環境修復，傳統到吔這日毋做事、愛好好歇睏。
立琪媽媽想起還細時節阿婆會煎甜粄，大家共下食美食。瑜琦乜講，現代客家人摎「補天」个精神延伸到環保行動，像種樹仔、淨山等。育璿乜分享學校用回收材料做天穿日海報摎參加新埔遶街活動个經驗。節目落尾呼籲大家儆惜大自然、傳承文化，共下來感恩慶祝這恁有意思个節日。
