本集《暢樂客語屋，WOW！》帶來一個盡有文化意義个客家冷知識——「敬字亭」。節目一開始透過街訪打開話題，紹介點心「牛汶水」，引起學生仔對客家文化个好奇摎興趣。
續下來主持人瑜琦同敏莉邀請立琪媽媽摎小朋友育璿，共下分享有關敬字亭个由來摎意涵。育璿紹介講，敬字亭係早期客家人為著表達對文字摎知識个尊重起个，用來燒寫有字个紙，正毋分文字分人踏著抑係分人亂擲。
立琪媽媽補充講，這種文化延伸出尊重教育个價值觀，像「晴耕雨讀」等生活理念，展現客家人煞猛打拚摎重視學習个精神。節目乜講著，桃園龍潭、新竹關西這兜位所到今還保存敬字亭，有兜學校甚至設有細型个敬字亭來教育學生儆惜文字。
透過這集節目內容，聽眾朋友毋單淨認識著客家文化特別个俗，乜體會著文字背後个情感摎教育意義。
