本集《暢樂客語屋，WOW！》以「摎同學冤家愛仰結煞呢」做主題，討論學生仔之間因為細誤會有衝突个時節，應仰般來化解。節目中邀請著特別來賓育璿摎厥个阿姆立琪，共下分享校園生活經驗。
育璿講著佢自家摎好朋友阿昌牯因為一隻捽仔有誤會，最尾正發現捽仔跌到桌下，好得兩儕人溝通正解開誤會。立琪媽媽乜提醒細人仔堵著問題愛冷靜下來，毋好一開始就發閼，先想看啊事情个真相係仰般。
節目乜分享三種處理衝突个方法：「冷靜下來」、「勇敢表達」摎「換位思考」，堵著問題愛冷靜下來，係講自家做毋著，就誠心去會失禮，乜想看啊，係講𠊎係對方，𠊎會仰仔想？恁樣做得𢯭手自家去了解對方个感受！最尾乜鼓勵聽眾朋友在日常生活好好仔來用這兜方法，分友情還較長久！
