國立教育廣播電臺

本集《暢樂客語屋，WOW！》節目主題係「心田好，事事好」，透過校園街訪學生仔摎親子來賓个分享，體會著客家俗諺講个「心田好，事事好」个生活實踐。街訪个學生仔分享佢兜因為同學一句鼓勵个話語還有看著高中阿哥主動摎老阿伯仔𢯭手，心肝肚試著異燒暖。

特別來賓立琪媽媽摎育璿乜用親身經驗體會著這句話个意義，育璿分享自家識主動摎同學𢯭手倒垃圾，結果佢有需要人𢯭手个時節跈等就得著善个回報；立琪媽媽乜講，保持好心情就做得䬺來正面力量。毋管係細人仔還係大人，有善良个心、感恩个心，就會看著生活中還較多个美好。

節目最尾強調講一句好話、做一件好事，就做得分心田開花、人生結果；希望大家都做得摎這種感謝摎鼓勵个力量傳下去，分這世界緊來緊燒暖！