本集《暢樂客語屋，WOW!》以「整理書包大作戰」做主題，透過街訪摎專訪，討論學生仔書包整理个習慣摎技巧。透過校園街訪，發現有人逐日整理書包正毋會漏帶東西，乜有人習慣儘採摎東西塞塞揪歸書包仔，顯示學生仔對書包整理个態度摎方法都無共樣。
節目特別邀請成淵高中國中部學生雯竹摎厥个阿姆淑惠媽媽，分享實用个整理經驗摎方法。雯竹講厥書包頭擺識亂到尋東西毋著，毋過有阿姆陪佢共下練習，逐暗晡花五分鐘檢查書包仔，定定仔養成好習慣。
淑惠媽媽強調「每日細整理，正毋會大混亂」，乜建議用分類細袋仔摎各色目个貼紙來幫助整理。透過這兜方法，毋單淨分書包仔整齊，乜分上課還較有效率。
最尾乜提醒大家，整理書包乜係一種生活技能，學會咧，對自家負責，乜係一種友善對待同學摎自家个表現哦！
