友善列印
暢樂客語屋,WOW!

EP30肯問就有路,肯想就有步

2025/06/27
邀訪來賓:陳育璿 / 薛立琪
單元介紹

這集《暢樂客語屋,WOW!》以「肯問就有路,肯想就有步」做主題,透過校園街訪摎親子訪談,鼓勵學生仔勇敢設定目標還過煞猛實踐。

 

在校園街訪个時節,訪問吔三位學生仔來了解佢兜下學期个心願,對「安排讀書時間」、「考試考到還較好」到「逐日都做得快樂」,展現出學生仔對未來無共樣个想望。

 

續下來,親子特別來賓——小學六年生个學生仔育璿摎厥个媽媽立琪,分享仰般來設定學習目標還過實際執行。育璿表示自家希望來改善時間管理,正毋會熬夜摎趕作業造成日時頭學習無精神个情況。佢計畫透過寫下時間表,妥善安排課業摎休閒時間,還會在媽媽个提醒摎鼓勵下,逐日檢討進度、記錄心得,提升自我管理能力。立琪媽媽也應佢,若係育璿做得堅持一隻月,會提供細獎勵來鼓勵佢。

 

除忒課業目標,育璿還希望做得加入學校籃球隊,培養運動習慣、釋放壓力乜增加摎同學个友情。佢摎好友阿翔計劃共下參加,摎運動融入生活,實現學習摎生活个平衡。

 

節目最尾鼓勵聽眾朋友:「肯問就有路,肯想就有步」,斯愛肯思考摎行動,成功摎成長个機會就會向前展開,帶來還較充實摎快樂个生活。

肯問就有路,肯想就有步

肯問就有路,肯想就有步

留言回應
其他節目