國立教育廣播電臺

本集《暢樂客語屋，WOW！》以「圖書館Let’s go」做主題，看學生仔仰般善用學校圖書館。節目一開始透過校園街訪，發現學生仔對圖書館个看法多元，有个人摎圖書館準做查資料、寫作業个秘密基地，有个人好借漫畫像《歷史漫畫》、《科學漫畫》，乜有學生仔認為圖書館係準備考試摎參加書展个好所在。

主持人瑜琦摎敏莉試著，雖然這下个學生仔當慣用3C產品，毋過學校圖書館還係當重要个學習資源。節目特別邀請陳育璿小朋友來分享，佢輒常利用圖書館讀各類型个書，特別中意思科幻小說像《神奇柑仔店》摎《波西傑克森》。學校逐隻月舉辦主題書展，乜會邀請作家來演講，分佢收穫豐富、看書个興趣還較高。

另外，育璿乜講佢從細有阿姆做伴共下去圖書館，培養咧好看書个習慣。節目盡尾引用俗諺「家有萬金，毋當藏書萬卷」鼓勵學生仔儆惜學校个圖書資源，養成好个閱讀習慣，分知識變做人生寶藏。